இஸ்ரேல் பொய்யும் புழுகும் நிறைந்த ஒரு நாடு-யூசுப் அல் கர்ளாவி

ஷெய்க் யூஸுப் அல் கர்ளாவி சென்ற வெள்ளிக்கிழமை முதன் முறையாக உலகப் புகழ்பெற்ற ஜாமிஉல்-அஸ்ஹரில் (அல்-அஸ்ஹர் பள்ளிவாசல்) ஜும்ஆ பிரசங்கத்தை நிகழ்த்தினார். “உலகின் முன்னணி பள்ளிவாசல்கள் பலவற்றில் நான் பேசி இருக்கிறேன். ஆனால், அல்-அஸ்ஹரில் பேசுவது இதுவே முதல் முறை“ என அவர் அங்கு குறிப்பிட்டார்.

இதன்போது, காஸாவில் தற்போது இடம்பெற்றுவரும் தாக்குதலை கண்டித்தமைக்காக எகிப்தின் ஜனாதிபதி முஹம்மத் முர்ஸிக்கும் கட்டார் நாட்டுக்கும் அவர் வாழ்த்துத் தெரிவித்தார்.

காஸா மீதான இஸ்ரேலின் அடாவடித்தனத்தை அவர் இப்பேருரையில் வன்மையாகக் கண்டித்தார். “கொல்லப்படும் அளவுக்கு காஸா மக்கள் என்னதான் செய்தார்கள்?. இஸ்ரேல் பொய்யும் புழுகும் நிறைந்த ஒரு நாடு. வரலாறு முழுவதும் அது அதனையே செய்து வந்திருக்கிறது“ எனவும் அவர் சாடினார்.

சிரிய மக்களுக்கு எதிராக பஷார் அல் அஸத் செய்யும் கொடுமைகளையும் அவர் கண்டித்துப் பேசினார்.

உலக இஸ்லாமிய அறிஞர்களின் ஒன்றியத்தின் தலைவராக கர்ளாவி உள்ளார். ஜமால் அப்துன் நாஸரின் காலத்தில் எகிப்தில் இருந்து வெளியேறிய அவர் கட்டாரில் தற்போது வாழ்ந்து வருகிறார்.

2011 ஜனவரி 25 புரட்சியின் காரணமாக முபாறக் வீழ்த்தப்பட்ட ஒரு வாரத்தின் பின்னர், தஹ்ரீர் சதுக்கத்தில் கர்ளாவி குத்பாவை (வெள்ளிக்கிழமை நிகழ்த்தும் மார்க்க உரை) நிகழ்த்தினார். இதில் ஒரு மில்லியனுக்கும் அதிகமான மக்கள் கலந்து கொண்டனர்.

கர்ளாவி 1926 இல் எகிப்தில் பிறந்தார். அல்-அஸ்ஹர் பல்கலைக்கழகத்தில் கல்வி கற்ற அவர், இன்று சர்வதேச அளவில் செல்வாக்கு மிக்க இஸ்லாமிய அறிஞராகத் திகழ்கிறார். நூற்றுக்கும் மேற்பட்ட நூல்களை அவர் வெளியிட்டுள்ளார்.

இன்று ஜனாதிபதியின் பிறந்தநாள்

ஜனாதிபதி மஹிந்த ராஜபக்ஷவின் 67 ஆவது பிறந்த தினம் இன்றாகும் அவரது பிறந்த தினத்தினை முன்னிட்டும், அவர் இலங்கை ஜனாதிபதியாக பதவியேற்று இன்று 8 ஆவது வருடமாவதை முன்னிட்டும் நாட்டின் பல பகுதிகளில் விசேட நிகழ்வுகளும் மரநடுகை நிகழ்வுகளும்  முதியோர் கெளரவிப்பு நிகழ்வுகளும் இடம்பெற்றன. 

ஜனாதிபதி மஹிந்த ராஜபக்ஸ அவர்கள் 1945ம் வருடம் நவம்பர் மாதம் 18ம் திகதி ஹம்பாந்தோட்டையில் பிறந்தார். 
ஜனாதிபதி மஹிந்த ராஜபக்ஷ அவர்களின் இரண்டாவது பதவிக்காலத்தின் மூன்றாவது வருட பூர்த்தியும் அவரின் பிறந்த நாளும் அதாவது ஒரே நாளில் நிகழ்ந்திருப்பது குறிப்பிடத்தக்க விடயமாகும்

இஸ்ரேலுக்கு அதனைப் பாதுகாக்கும் உரிமை உள்ளதாம்: ஒபாமா

காஸாவில் அப்பாவிப் பொதுமக்கள் கொல்லப்பட்டுள்ள நிலையில், இஸ்ரேல் தன்னைப் பாதுகாப்பதற்கான உரிமையைக் கொண்டுள்ளது என அமெரிக்க ஜனாதிபதி பரக் ஒபாமா தெரிவித்துள்ளார்.

“தனது மக்களை நோக்கி ஏவுகணைகள் மழைபோல் வந்து தாக்கும்போது, உலகில் உள்ள எந்த நாடும் அதை சகித்துக் கொள்ளாது. தன்னைப் பாதுகாக்கும் இஸ்ரேலின் உரிமையை நாம் முழு மனதாக ஆதரிக்கிறோம்“ என அவர் தெரிவித்துள்ளார். அவர் தென்கிழக்காசிய நாடுகளுக்கு மேற்கொண்டுள்ள விஜயத்தின்போது தாய்லாந்தில் இடம்பெற்ற செய்தியாளர் மாநாட்டில் வைத்தே இதனைத் தெரிவித்தார்.

இஸ்ரேல் தரைவழியாக காஸாவை ஆக்கிரமிப்பதற்கான முயற்சிகளை மேற்கொண்டு வருகிறது என செய்திகள் வெளிவந்துள்ளது. எனினும், எகிப்து இதனை முடிவுக்குக் கொண்டுவருவதற்கான முயற்சிகளில் ஈடுபடுகிறது.

நன்றி (மீள்பார்வை)

இஸ்ரேலுக்கு அர்தூகானின் பலமான செய்தி

இஸ்ரேலின் பிரதமர் பென்ஜமின் நெதன்யாஹுவுக்கு, துருக்கிய பிரதமர் ரஜப் தய்யிப் அர்தூகான் பலமான செய்தி ஒன்றை விடுத்துள்ளார். 2012 இன் நிலமைகள் 2008 இலிருந்து பல வகையில் மாறுபட்டிருக்கிறது என்பதே அந்த செய்தியாகும்.

2008 இல் தேர்தலுக்கு முன்னர், இஸ்ரேல் காஸாவை கடுமையாகத் தாக்கியது. இப்போது மீண்டும் தேர்தல் வந்துள்ளது. இஸ்ரேல் அதையே மீண்டும் செய்கிறது என எகிப்தில் இடம்பெற்ற துருக்கி - எகிப்திய வர்த்தக மன்றத்தில் உரையாற்றும்போது அவர் தெரிவித்துள்ளார்.

சிறுவர்களைக் குரூரமாகக் கொல்வதில் இஸ்ரேல் மிகவும் மோசமாக உள்ளது. அந்நாடு துருக்கிக்கும் இதையே செய்தது. காஸாவுக்கு மனிதாபிமான உதவியைக் கொண்டு சென்ற மாவி மர்மரா கப்பலில் பயணித்த 9 துருக்கிய பிரஜைகளை சர்வதேச கடலில் வைத்து அவர்கள் கொன்றனர் எனவும் அவர் சுட்டிக்காட்டினார்.

“நான் லாவோஸில் இஸ்ரேலிய ஜனாதிபதிக்கு இதனையே சொன்னேன்: சிறுவர்களை எப்படிக் கொல்வது என்பது இஸ்ரேலுக்கு நன்கு தெரியும். முறையற்ற விதத்தில் இராணுவப் பலத்தைப் பயன்படுத்துவது குறித்தும் அவர்களுக்கு நன்கு தெரியும்.”

2008 இல் 1500 பேரைக் கொன்றதோடு, அவர்கள் 5000 பேரைக் காயப்படுத்தினர். 24 மணித்தியாலங்களுக்குள் இஸ்ரேல் இந்த தாக்குதலை முடிவுக்குக் கொண்டு வரவேண்டும். இஸ்ரேலும் காஸாவும் போர் நிறுத்தத்தை உடனடியாக அமுலுக்குக் கொண்டுவர வேண்டும் எனவும் அவர் வேண்டுகோள் விடுத்துள்ளார்.   

பலஸ்தீன – இஸ்ரேலிய விவகாரத்தைத் தீர்ப்பதில் அரசியலுக்கும் வெளிநாட்டுக் கொள்கைக்கும் மட்டும் சம்பந்தம் இல்லை. பிராந்தியத்தின் பொருளாதாரம் மற்றும் சமூக வாழ்வு என்பவற்றுடனும் இது தொடர்புபட்டுள்ளது எனவும் அவர் சுட்டிக்காட்டியுள்ளார்.

போர் முழக்கத்திற்கு மத்தியிலும் காஸா மக்கள் திடமாகவே உள்ளனர் – எகிப்திய பிரதமர்

தான் காஸாவுக்கு விஜயம் செய்தபோது, போர் முழக்கத்திற்கு மத்தியிலும் மக்கள் திடமாக உள்ளதைக் கண்டதாக எகிப்திய பிரதமர் ஹிஸாம் கந்தில், துருக்கி- எகிப்திய வர்த்தக மன்றத்தின் சந்திப்பின்போது தெரிவித்துள்ளார்.

இஸ்ரேலியப் படையினரால் கொல்லப்பட்ட சிறு குழந்தை ஒன்றைக் கண்டபோது, தனது உள்ளம் ஆழமாக வேதனை அடைந்ததாகவும் அவர் கூறியுள்ளார். பிராந்தியத்தில் அமைதியைப் பேணுவதற்காக துருக்கியும் எகிப்தும் இணைந்து பணியாற்றுவதாக அவர் மேலும் தெரிவித்துள்ளார்.

இதேவேளை மக்கள் வீடுகளில் கூட்டாக ஒன்றிணைந்து இருப்பதாக சில தகவல்கள் வெளிவந்துள்ளன. மரணத்தை கூட்டாக எதிர்கொள்வது ஒரு அருள் என ஒருவர் தெரிவித்துள்ளார்

 

நன்றி மீள்பார்வை

நபிகளாரின் வரலாறு(ஸீறா) விஷேட சொற்பொழிவு

இறுதி நபி உத்தமத் தூதர் முஹம்மத் நபி ஸல்லல்லாஹு அலைஹிவஸல்லம் அவர்களினடைய வரலாறு பற்றிய விஷேட சொற்பொழிவு இம்மாதம்(நவம்பர்2012) 23,24,25ம் திகதிகளில் சம்மாந்தறை பெரிய பள்ளிவாசலில் நடைபெற ஏற்பாடாகியுள்ளது.
நபி முஹம்மத் (ஸல்) அவர்களின் ஸீறா பற்றிய இச் சொற்பொழிவை மௌலவி அலி ஏ.ஏ.அஹமட் றஸாதி அவர்கள் நிகழ்த்தவுள்ளார்கள்.
குறித்த 23,24,25ம் திகதிகளில் மஃரிப் தொழுகையிலிருந்து இரவு 9.00 மணிவரை இந்நிகழ்வு நடைபெறும்

செம்மழை மர்மம் துலக்கம்

இலங்கையின் பல பகுதிகளில் கடந்த சில நாட்களாக 'சிவப்பு நிற' மழை பெய்து வருகிறது.  இலங்கையின் செவனகல பிரதேசத்தில் சிவப்பு மழை பெய்திருக்கிறது. இதேபோல் இந்திகொலபெலஸ்ல ஆகிய கிராமங்களிலும் சிவப்பு மழை பெய்திருக்கிறது.

கடந்த வாரத்தில் இதேபோல பல பகுதிகளில் 'செம்மழை' பெய்திருக்கிறது. இந்த மழை நீர் பட்டிருக்கும் இடங்களில் சிவப்பு நிற திட்டுகள் காணப்படுகின்றன.

வீட்டின் கூரைகள், மரங்களின் இலைகளில் பொதுமக்களின் உடைகளிலும் இந்த செந்நிறத் திட்டு படிந்திருப்பதால் ‘ரத்தக் கறை' போல் காணப்படுகிறது.

இவ்வாறான நிகழ்வு இலங்கை மக்களுக்கு புதிதாக இருந்தாலும்  இது போன்ற நிகழ்வுகள் ஏற்கனவெ வெளிநாடுகளில் நிகழ்ந்திருக்கின்றன. கடந்த 2005ல் கேரளாவில் இத பொன்ற ஒரு சம்பவம் பதிவாகியுள்ளது.

இது பற்றி வெளியாகியுள்ள ஆய்வறிக்கையில் 

ட்ராகோலேமொனாஸ்’ எனப்படும் நுண்ணுயிரே குறித்த மாதிரிகளில் இருந்ததாக மருத்துவ ஆராய்ச்சி நிறுவனத்தின் பணிப்பாளர் அனில் சமரநாயக்க தெரிவித்துள்ளார்.

இச் செம்மழையில் நனைந்தால் அது பொதுமக்களுக்கு தீங்கை உண்டாக்காத நுண்ணுயிர் என்று அறியப்பட்டதாக மருத்துவ ஆராய்ச்சி நிலையம் விடுத்துள்ள அறிக்கையில் தெரிவிக்கப்பட்டுள்ளது.
வேற்று கிரகங்களில் இருந்து வந்தவர்களால் சிவப்பு மழை தோன்றியிருக்கலாம் என்று முன்னர் பரவலாக கருத்துகள் வெளியிடப்பட்டு வந்தன.
எனினும், அவற்றில் எந்தவித உண்மையும் இல்லை என்று ஆதர் சி கிளார்க் மத்திய நிலையம் தெரிவித்துள்ளது.
இதுகுறித்து கிரக மண்டல ஆய்வாளர் பேராசிரியர் சந்தன ஜயரத்ன தெரிவிக்கையில்.
இலங்கைக்கு இவ்வாறான சிவப்பு மழை புதிது எனினும், ஏனைய நாடுகளில் இவ்வாறான சிவப்பு நிற மழை வீழ்ச்சி பல்வேறு சந்தர்ப்பங்களில் பெய்திருப்பதாகவும், கடலில் இருந்து ஆகாயத்துக்கு நீர் உறிஞ்சப்படும் போது, சில சமயங்களில் கடலில் காணப்படுகின்ற அரிதான சிவப்பு நிற மாற்றங்களும் சேர்த்து உறிஞ்சப்படலாம்.
இதன் விளைவாகவே இந்த மழைவீழ்ச்சி ஏற்பட்டிருக்கலாம் என்றும் அவர் சுட்டிக்காட்டியுள்ளார்.

இஸ்லாமிய புதுவருட வாழ்த்துக்கள்

இன்று இஸ்லாமியப் புது வருடம் ஹிஜ்ரி 1434ஆரம்பமாகியுள்ளது.
இந்த வருடத்தை நல்லமுறைலஷயில் பயன்படுத்துவதோடு எமது கடந்த கால தவறுகளை சிந்தித்து இனிவருங்காலங்களில் அவற்றிலிந்து நீங்கி  எல்லாம் வல்ல இறைவனின் நல்லருள் பெற பிரார்த்திப்போமாக.

சம்மாந்துறை வரலாற்று ஆவணப்படுத்தல்களில் இன்னுமொரு சுவடு

மட்டக்களப்பு முஸ்லிம்களின் தனித்துவ அம்சங்களில் அவர்களில் காணப்படும் குடி வழிமுறை முக்கியமான  மரபாக பேணப்பட்டு வருகின்றது. இதன் வரலாறு மற்றும் சம்மாந்துறைப் பிரதேச முஸ்லிம்களின் மத்தியில் தற்போது வழக்கிலுள்ள  குடி வழிமுறை சம்மந்தமாக சம்மாந்தறை குடி மரைக்கார் சம்மேளனத்தின் ஏற்பாட்டில் கலாபூஷணம் எஸ்.அப்துல் றாஸிக் அவர்களால் தொகுக்கப்பட்ட முஸ்லிம்களின் மத்தியில் குடி வழிமுறை எனும் நூல் வெளியீடு எதிர்வரும் 2012-11-17ம் திகதி சனிக்கிழமை மு.ப. 9.00 மணியளவில் சம்மாந்துறை அல்-மர்ஜான் முஸ்லிம் மகளிர் கல்லூரியின் காரியப்பர் மண்டபத்தில் ஏற்பாட செய்யப்பட்டுள்ளது.
குடி மரைக்காயர் சம்மேளனத் தலைவர் எஸ்.எல்.ஆதம்பாவா தலைமையில் நடைபெறவுள்ள இந்நிகழ்வில் பல பிரமுகர்களும் கலந்த சிறப்பிக்கவள்ளனர். பொது மக்கள் அனைவரும் இலவசமாக கலந்து கொள்ள முடியும் என்பதும்

பிரத்தியேகமாக நூல் விற்பனைப்பிரிவும் ஏற்பாடு செய்யப்பட்டுள்ளது

சம்மாந்துறை சம்மந்தமான வெளியிடப்படும் தனி வரலாற்று நூல்கள் வரிசையில் இந்த வருடத்தின் மூன்றாவது நூலும். குடி வரலாறுகள் சம்பந்தமான முதலாவது தொகுப்பு நூல் என்பதும் குறிப்பிடத்தக்கது.

செல்வி, MR. ஹன்ஸா, மாகாண மட்ட விஞ்ஞான வினாடி வினாப் போட்டியில் தங்கப் பதக்கம் வென்றார்.

செல்வி, MR. ஹன்ஸா, மாகாண மட்ட விஞ்ஞான வினாடி வினாப் போட்டியில் தங்கப் பதக்கம் வென்றார்.

கிழக்கு மாகாணத்தில் உள்ள பாடசாலைகளுக்கிடையிலான விஞ்ஞான வினாடி வினாப் போட்டியில் சம்மாந்துறை முஸ்லிம் மகளிர் வித்தியாலயத்தைச் சேர்ந்த தரம் – 9 ல் கல்வி கற்கும் மாணவி செல்வி MR. ஹன்ஸா மாகாண மட்டப் போட்டியில் தங்கப் பதக்கத்தை பெற்றுக்கொண்டார்.

இந்த வெற்றிக்காக இப்பாடசாலையில் விஞ்ஞான ஆசிரியையாக கடமையாற்றும் ஆசிரியை Mrs. KA. நஸீர் அவர்களும் இப் பாடசாலையின் அதிபர் TM. தௌபீக் அவர்களும் இம் மாணவியை வழிப்படுத்தினார்கள் என்பது குறிப்பிடத்தக்கதாகும். அத்துடன், இம் மாணவி இதற்கு முன்னரும் பல பரிசில்களை மாகாண, மாவட்ட, வலய மட்டத்தில் பெற்று பாடசாலைக்கு பெருமை தேடித்தந்துள்ளார்.

மேலும், இம்மாணவி இப்பாடசாலையின் மாணவத்தலைவி என்பதையும் இங்கு சுட்டிக்காட்டுதல் வேண்டும்.

இவரை எமது பாடசாலை அதிபர், ஆசிரியர்கள், பெற்றார், பாடசாலை சமூகமும் இவரை வாழ்த்துக்கின்றனர்.

கணினித்தமிழ் அடிப்படையும் பயன்பாடும் - சான்றிதழ்ப் படிப்பு

---------- Forwarded message ----------
From: "Ila. Sundaram" <ilasundaram@gmail.com>
Date: Fri, 9 Nov 2012 10:53:20 +0530
Subject: கணினித்தமிழ் அடிப்படையும் பயன்பாடும் - சான்றிதழ்ப் படிப்பு
To:

அன்புடையீர், வணக்கம்.

*கணினித்தமிழ் அடிப்படையும் பயன்பாடும் - சான்றிதழ்ப் படிப்பு
Certificate Course in Fundamental & Usage of Tamil Computing*
*02.12.12 - 28.12.12*

எனும் ஒருமாதகாலச் சான்றிதழ்ப் பயிற்சி வகுப்பு *டிசம்பர், மே *மாதங்களில் *SRM
பல்கலைக்கழகத் தமிழ்ப்பேராயக் கணினித்தமிழ்க் கல்வித்துறை*யில் நடைபெறவுள்ளது.

கணினியில் தமிழைப் பயன்படுத்துவதற்கும் ஆய்வு செய்வதற்கும் தமிழ் மென்பொருள்
உருவாக்குவதற்கான அடிப்படை ஆய்வுப் பணிகளை அறிந்துகொள்வதற்கும் இணையத்தமிழ்ப்
பயன்பாட்டினைப் புரிந்துகொள்வதற்கும் இந்தச் சான்றிதழ்ப் பயிற்சி வகுப்பு
நடத்தப்படுகிறது.

பள்ளி, கல்லூரி, பல்கலைக்கழக ஆசிரியர்கள், ஆய்வாளர்கள், மாணவர்கள், தமிழ்
ஆர்வலர்கள் என அனைவரும் பயன்பெறும் வகையில் பருவ விடுமுறை மாதங்களான மே,
அல்லது டிசம்பர் மாதத்தில் நடைபெற உள்ளது.

வகுப்புகள்* திங்கள் முதல் வெள்ளி* வரை *20* நாட்கள் காலை *10* மணிமுதல் மாலை *
5* மணிவரை நடைபெறும்.

தகுதி: *10-ம் வகுப்பில் தேர்ச்சி*. வயது வரம்பு இல்லை.

மாணவர் சேர்க்கைக்கான விண்ணப்பத்தை* www.srmuniv.ac.in/tamil_perayam.php *எனும்
இணையதளத்திலும் தமிழ்ப்பேராய அலுவலகத்திலும் பெற்றுக்கொள்ளலாம். விண்ணப்பத்தை
நகல் எடுத்தும் பயன்படுத்தலாம்.

பயிற்சிக் கட்டணம் ரூபாய் *1000/-* (ஆயிரம்)-த்திற்கான வரைவோலையை(DD) 'SRM
TAMIL PERAYAM' என்னும் பெயரில் சென்னையில் மாற்றத்தக்கதாக எடுத்து
விண்ணப்பத்துடன் இணைக்கவேண்டும்.

நிரப்பப்பட்ட விண்ணப்பங்கள் வந்துசேரவேண்டிய கடைசி நாள் *26.11.2012*,
திங்கட்கிழமை.
மேலும் விவரங்களுக்கு இணைப்பைப் பாருங்கள்.

நண்பர்களுக்கு இதனைத் தெரியப்படுத்தவும்.

இணைப்பில்.
1. செய்திக்குறிப்பு
2. விண்ணப்பம்

நன்றி...

--
இல. சுந்தரம்
*ILA. SUNDARAM*
M.A., M.Sc.(I.T)., MCA., MBA., M.Phil., PGDCA., (Ph.D)
Assistant Professor of Tamil
Coordinator, Computational Tamil Studies
Tamil Perayam, SRM University
Kattankulathur - 603 203.
Kanchipuram Dt., T.N. S-India.

Cell: +91-*98423 74750*

--
*firos123g@gmail.com
info@sammanthurai.tk*
*
www.sammanthurai.tk
www.sammanthurainews.com
www.saynotodowry.tk
www.newthilgates.tk
*

இன்று 10-11-12

ஒவ்வொரு நுாற்றாண்டிலும் 12 முறை மட்டுமே வரக்கூடிய தொடர் திகதி எனும் அரிய தகதி இன்றாகும்
2012-நவம்பர் -10 சனிக்கிழமை
இன்றைய இந்தத் திகதி 100 வருடத்திற்கு ஒருமுறையே இவ்வொழுங்கில் 10,11,12 ஆகியன பெறுமான வரிசைக்கிரமமாக வருவது அரிய தொடரொன்றாகும். இத்தொடர் இந்நூற்றாண்டின் 11வதும் கடைசிக்கு மதலாவதான தொடருமாகும்

மேலும் எதிர்வரும் 2013ம் வருடம் டிசம்பர் மாதம் 11ம் திதியே இந்த நூற்றாண்டின் கடைசித் திகதியாகும்.

கல்முனை கல்வி மாவட்டத்தில் மிகச் சிறந்த CFS பாடசாலையாக சம்மாந்துறை முஸ்லிம் மகளிர் வித், தெரிவு

அ.ம. தாஹா நழீம் (Publisher – Google Inc)

 கல்முனை கல்வி மாவட்டத்தில் மிகச் சிறந்த CFS பாடசாலையாக சம்மாந்துறை முஸ்லிம் மகளிர் வித், தெரிவு.

 

 

இன்று யுத்தத்தினால் பாதிக்கப்பட்ட கிழக்கு மாகாண பாடசாலைகளில் பிள்ளை நேயம் தொடர்பான கருப்பொருள் எவ்வாறு பின்பற்றப்படுகின்றது என்பதை செயற்பாட்டாளராக செயற்படும் UNICEF மற்றும் Australian Aid போன்ற நிறுவனங்கள் நாளுக்கு நாள் பரிசிலனை செய்து வருகின்றன. இதற்காக பல கோடி ரூபாய்க்களை செலவு செய்து வருகின்றது என்றால் அதனை யாரும் மறுப்பதிற்கில்லை.

மேலும் இப்பாடசாலைகளின் செயற்பாடுகளை விருத்தி செய்வதற்கு இப்பாடசாலைகளிலுக்கிடையில் காணப்படுகின்ற விடயங்களை ஏனைய பாடசாலைகள் பின்பற்றி தங்களுடைய பாடசாலையில் அதனை பிரயோகிப்பதன் ஊடாக பிள்ளை நேயக் கோட்பாடுகளான ஆறு கோட்பாடுகளை விருத்தி செய்யும் நோக்கும் கல்முனை கல்வி மாவட்ட மாவட்டத்தில் 15 சிறந்த பிள்ளை நேயப்பாடசாலைகளை தெரிவு செய்து   அதில்  மிகச் சிறந்த பாடசாலை தெரிவு செய்வதற்கான போட்டி (Sharing CFS Best Practice (District Level)  2012.11.06 ஆந் திகதியன்று கமு/ கமு/ வெஸ்லி உயர் கல்விப் பாடசாலையில் நடாத்தப்பட்டது. இது ஒரு கல்வி மாவட்ட மட்டப் போட்டியாகும்.

இந்தப் போட்டியானது கிழக்கு மாகாண கல்வி அமைச்சினால் கோரப்பட்ட சுற்று நிருபத்திற்கமைவாக, நேர்மைாயன முறையில் ஒரு திறந்த போட்டியாக நடைபெற்றது. அத்துடன் இதில் வலயக்கல்வி அதிகாரிகள் நடுவர்களாக செயற்பட்டார்கள் என்பதையும் இங்கு குறிப்பிட வேண்டும். அத்துடன் பங்கு பற்றும் பாடசாலைகளிலிருந்து  ஐந்து ஆசிரியர்கள் வீதம் அவர்கள் முன்னிலையில் இப் போட்டி நடாத்தப்பட்டது என்பதும் இங்கு கோடிட்டு காட்ட வேண்டும்.

Photo here

 

கல்முனை உதவிக்கல்விப் பணிப்பாளர், M. நஜிம் அவர்களிடம் பெற்றிக்கான கேடயத்தினை இப்பாடசாலையின் அதிபர் ரீ.எம். தௌபீக்,  ஆசிரியர் ஏ.எம். தாஹா நழீம் அவர்களும் இணைந்து பெற்றுக்கொள்ளும் காட்சி இது.

--
firos123g@gmail.com
info@sammanthurai.tk

www.sammanthurai.tk
www.sammanthurainews.com
www.saynotodowry.tk
www.newthilgates.tk

தேசிய வாசிப்பு மாத கண்காட்சியும் விற்பனையும்

சம்மாந்துறை பிரதேச சபை மற்றும் பிரதேச சபை நூலகங்கள் ஏற்பாட்டில் தேசிய வாசிப்பு மாதத்தினை முன்னிட்டு புத்தகக் கண்காட்சியும் விற்பனையும் இன்று ஏற்பாடு செய்யப்பட்டுள்ளது.

இந்நிகழ்வு இன்று(2012-11-03) காலை 9.30 மணியளவில்  ஆரம்பமானது.சம்மாந்துறை பிரதேச சபைத் தவிசாளர் அல்ஹாஜ் ஏ.எம்.எம்.நௌசாத் அவர்களின் தலைமையில் நடைபெற்ற இந்நிகழ்வில் இலங்கை ஆசியா பவுண்டேசன் இயக்குனர் திரு.ரீ.நல்லதம்பி அவர்களும் சிறீ லங்கா டெலிகொம்மின் பிராந்திய பிரதி இயக்குனர் திரு.எம்.பத்மசூதன் அவர்களும் பிரதம அதிதிகளாக கலந்து கொண்டனர் மற்றும் கிழக்கு மாகணசபையின் சுகாதார அமைச்சர் எம்.ஐ.எம். மன்சூர் அவர்களும் கிழக்கு மாகாணசபை உறுப்பினர் எம்.எல்.ஏ.அமீர் அவர்களும் கலந்து கொண்டனர்.

சிறுவர்களை மையப்படுத்தியும் ஒக்டோபர் வாசிப்பு மேம்பாட்டு நிகழ்ச்சிகளையும் மையமாகக் கொண்டு ஒழுங்கு படுத்தப்பட்டிருந்த இந்நிகழ்வில் சிறுவர்களிற்கான புத்தகக் காட்சிக்கூடமும் சம்மாந்துறை எழுத்தாளர்கள் படைப்பாளிகளின் ஆக்கங்களும் மற்றும் ஊர்ப்பிரமுகர்கள் வன்னுமை சிற்றாட்சியாளர்கள், பாராளுமன்ற உறுப்பினர்கள், மாகாணசபை உறுப்பினர்கள், பிரதெச சபைத்தவிசாளர்கள் அனைவரினதும் அரிய பகைப்படங்கள், சம்மாந்தறையின் பழைய தேச வரைபடங்கள், தகவல்கள் என்வையும் பழைய சிலோன் நாணயங்களும், வெளிநாட்டு நாணயங்களும், சம்மாந்துறையின வெளியீடுகளுடன் கூடிய காட்சிக் கூடமும் 

Computer Society of Sammanthurai ஏற்பாட செய்யப்பட்டிருந்த வை-பை விளக்க செயலமர்வுகளும், மற்றும் கணணி வன்பொருட்களுடனான காட்சிக்கூடமும் 

சிறுவர்களுக்கான கார்ட்டூன் அனிமேசன் திரைப்படக் கூடமும், TK மீடியாவின் பாரம்பரியத்தைப் பிரதிபலிக்கும் வகையில் அமைக்கப்பட்ட முற்றிலம் இயற்கையாலான கலையகமும்  பண்பலை ஒலிபரப்பு கூடமும் காணப்பட்டன.

இக்கண்காட்சி சிறவர்களைப் பெரிதம் கவர்ந்ததோடு. பெரியவர்கள் இளைஞர்களின் வருகையும் அதிகரித்துக்காணப்பட்டது.

அங்கு சம்மாந்துறையின் இளம் விஞ்ஞானி மர்சூக்கின் கண்டுபிடிப்பு மாதிரியும் இடம்பெற்றிருந்தமை கறிப்பிடத்தக்கது.

மேலும் TK.மீடியாவினர் தயாரித்திருந்த பெரியபள்ளிவாசல் ஒரு வரலாற்றுப்பார்வை எனும் ஆவணப்படமும் இங்கு காட்சிப்படத்தப்பட்டது.

இக்கண்காட்சி தொடர்ச்சியாக 4 நாட்களக்க ஏற்பாட செய்யப்பட்டள்ளது.

மு.கா. தலைவர் றவூப் ஹகீமின் அமைச்சுப் பதவி மாற்றம்?

சிறிலங்கா முஸ்லிம் காங்கிரஸ் தலைவர் றவூப் ஹகீம் தற்போது வகிக்கும் நீதி அமைச்சுக்குப் பதிலாக வேறு ஒரு பொறுப்பு வாய்ந்த அமைச்சுப் பதவியும், கட்சியின் பாராளுமன்ற உறுப்பினர்கள் இருவருக்கு விரைவில் பிரதி அமைச்சர் பதவி வழங்கப்படலாம் என்று எதிர்பார்க்கப்படுவதாக செய்திகள் தெரிவிக்கின்றன.

அரசாங்கம், கிழக்கு மாகாணசபையின் ஆட்சியைக் கைப்பற்ற சிறிலங்கா முஸ்லிம் காங்கிரஸ் கட்சியின் ஆதரவைப் பெறுவதற்காக வழங்கிய உறுதி மொழிகளுள் இந்த விடயமும் அடங்கி இருந்ததாக முஸ்லிம் காங்கிரஸ் கட்சியின் முக்கியஸ்தர் ஒருவர் தெரிவித்துள்ளார்.

தவிசாளர் பஷீர் சேகு தாவூதுக்கு அமைச்சரவை அந்தஸ்த்துள்ள அமைச்சர் பதவியும் மேலும் மூன்று எம்.பி.க்களுக்கு பிரதி அமைச்சர் பதவிகளும் வழங்கப்பட வேண்டும் என்று அரசாங்கத்துடன் இடம்பெற்ற கலந்துரையாடலின்போது முஸ்லிம் காங்கிரஸ் வலியுறுத்தியதாக அந்த செய்தி தெரிவிக்கின்றது.

அந்த உடன்பாட்டின் பேரிலேயே கிழக்கு முதலமைச்சர் பதவியை முஸ்லிம் காங்கிரஸ் விட்டுக்கொடுத்தது என்றும் அந்த முக்கியஸ்தர் சுட்டிக் காட்டியதாக செய்திகள் தெரிவிக்கின்றன.

இந்த விடயத்தை நேற்று ஜனாதிபதியை சந்தித்த அமைச்சர் ஹகீம் தலைமையிலான முஸ்லிம் காங்கிரஸ் குழுவினர் வலியுறுத்தியதாகவும் அதற்கு ஜனாதிபதி பச்சைக் கொடி காட்டி இருப்பதாகவும் அறிய முடிகிறது.

meelparvai

உயர்தர கலைப் பிரிவில் பல்கலைக்கழக அனுமதி பெறும் மாணவர்களுக்கு இனி தாதியர் பட்டம் பெறுவதற்கு வாய்ப்பு

உயர்தர கலைப் பிரிவில் பல்கலைக்கழக அனுமதி பெறும் மாணவர்களுக்கு இனி தாதியர் பட்டம் பெறுவதற்கு வாய்ப்பு வழங்கப்படுமென உயர் கல்வி அமைச்சர் எஸ்.பீ.திஸாநாயக்க தெரிவித்துள்ளார்.

கண்டியில் நடைபெற்ற நிகழ்வொன்றில் கலந்து கொண்டு உரையாற்றும்போதே அவர் இதனைக் குறிப்பிட்டுள்ளார். நாட்டில் சுமார் 200,000 தாதியருக்கு வெற்றிடம் நிலவுவதாகவும் இதனால் வெளிவாரி பட்டப்படிப்பிற்கான அனுமதியினை மட்டுப்படுத்த எண்ணியுள்ளதாகவும் அமைச்சர் குறிப்பிட்டுள்ளார்.

முதலாளியை கொலை செய்து மனைவியை வல்லுறவுக்கு உட்படுத்திய இலங்கையர்!

சவுதி அரேபியாவில் வாகன சாரதியாக பணியாற்றி வந்த இலங்கையர் ஒருவர், அவரது முதலாளியை கொலை செய்துவிட்டு, அவரின் மனைவியை பாலியல் வல்லுறவுக்கு உட்படுத்தியுள்ளார். சவுதியின் தெற்கு பகுதியில் உள்ள கோபார் பகுதியில் இந்த சம்பவம் இடம்பெற்றுள்ளது. முதலாளியையும் அவரது மனைவியையும் காரில் ஏற்றிச் சென்ற குறித்த சாரதி, கோபாரில் உள்ள ஆள் நடமாட்டம் இல்லாத பகுதி ஒன்றில் வைத்து முதலாளியை கொலை செய்துள்ளார். அதன் பின்னர் அவரது மனைவியை வல்லுறவுக்கு உட்படுத்திவிட்டு, தானும் தற்கொலை செய்ய முயற்சித்த போது பொலிஸார் அவரை மீட்டுள்ளனர். கைதான இலங்கையருக்கு 50 வயது என்றும் கொலை செய்யப்பட்டவருக்கு 70 வயது என்றும் தெரிவிக்கப்படுகிறது.

டெங்கு கொசுவை ஒழிக்க ஒரு எளிய வழி

டெங்கு காய்ச்சலுக்கு மூலகாரணமாக இருக்கும் கொசுக்களை ஒழிக்க நாமும் பல வழிகளில் போராடித் தோற்றும் விட்டோம். இதோ ஒரு எளிய அதிக செலவில்லாத ஒரு வழி! முயற்சி செய்து தான் பாருங்களேன்.

Step1

ஒரு 2 லிட் பெப்ஸி அல்லது கோகோ கோலா பாட்டிலை எடுத்து, அதை சரி பாதியாக வெட்டி வைத்துக் கொள்ளுங்கள்.

Step2

கீழ் பாக பாட்டிலில் அரைப் பாகம் வெதுவெதுப்பான சுடு நீரை ஊற்றவும்.

Step3

அதில் 3/4 கப் பிரவுன் சுகர் எனும் பழுப்பு நிற கரும்பு சக்கரையையும், ஒரு டேபிள் ஸ்பூண் YEAST ம் மிக்ஸ் பண்ணி நன்றாக கரைக்கவும். (சீனி எனும் சாதா சர்க்கரையையும் பயன்படுத்தலாம்)

Step4

வெட்டி எடுத்த பாட்டிலின் மேல் பகுதியை தலை கீழாக கவிழ்த்து புனல் போல் கரைசல் உள்ள பாட்டிலை மூடவும்.

Step5

இந்த பாட்டிலின் சுற்று சுவரை கறுப்பு நிற காகிதத்தை சுற்றி ஒட்டவும்.

Step6

இந்த கரைசல் உல்ள பாட்டிலை உங்கள் ரூமின் ஒரு மூலையில் வைத்து விடுங்கள். அவ்வளவு தான் நம் வேலை.

இந்த கரைசலில் இருந்து கார்பண்டை ஆக்ஸைடு எனும் வாயு வெளி வந்து கொண்டிருக்கும். இதனால் கொசுக்கள் கவரப்பட்டு இந்த பாட்டிலை நோக்கி படையெடுத்து வந்து பாட்டிலில்ன் உள்ளே செல்லும். அப்போது அங்குள்ள இனிப்பு கரைசலில் ஒட்டிகொண்டு வெளி வர முடியாமல் அங்கேயே சமாதியடையும்.

நம்மை கொசுக்கள் கடிப்பதற்கு நம் மேலுள்ள கோபமோ, அன்போ காரணமல்ல. நாம் வெளிவிடும் கார்பண்டை ஆக்ஸைடு எனும் வாயுவால் கவரப்பட்டு தான் அவைகள் நம்மை நோக்கி வருகின்றன. இப்போது அந்த வேலையை கரைசல் உள்ள பாட்டில் கவனித்துக் கொள்ளும்.
இதன் பலனை 4x5 நாட்களில் தெரிந்து கொள்ளலாம்.

3 வாரங்களுக்கு ஒரு முறை கரைசலை மாற்றி விட வேண்டும்.

இன்று நள்ளிரவு தொடக்கம் இலங்கையில் உள்ள வானொலிகளின் அலைவரிசைகள் மாற்றம்......

இன்று நள்ளிரவு தொடக்கம் இலங்கையில் உள்ள வானொலிகளின் அலைவரிசைகள் மாற்றப்படுகிறது. இது வரையும் சில வானொலிகள் 5 வரையான அலைவரிசைகளையும் கொண்டிருக்கின்றன. இதன் காரணமாக புதிய வானொலிகளுக்கு அலைவரிசைகளை ஒதுக்கமுடியவில்லை.

அத்துடன் பல வானொலிகளின் நிகழச்சிகளுக்கு தடைகளையும் ஏற்படுத்தின. இதன் காரணமாக நாளை தொலைத்தொடர்புகள் ஒழுங்கமைப்பு ஆணைக்குழுவால் ஒரு வானொலிக்கு இரு அலைவரிசை மட்டும் ஒதுக்கப்பட்டுள்ளது.

மக்கள் அதிகம் கேட்கும் சில தமிழ் வானொலிகளும் புதிய அலைவரிசைகளும்

சூரியன் எப்.எம்-- 103.4 MHz மற்றும் 103.6 MHz

சக்தி எப்.எம்-- 103.9 MHz மற்றும் 104.1 MHz

வெற்றி எப்.எம்-- 90.4MHz மற்றும் 90.6 MHz

வசந்தம் எப்.எம்-- 102.6 மற்றும் 102.8 MHz

அலை எப்.எம்-- 91.4

இலங்கையில் மீன் மழை

கந்தளாய் பிரதேசத்தில் மீன் மழை பெய்துள்ளதாக சில ஊடகங்களில் செய்தி வெளியிடப்பட்டுள்ளது. கந்தளாய் விளையாட்டு மைதானத்தில் இந்த சிறிய மீன்களை காணக் கிடைத்ததாகத் தெரிவிக்கப்படுகிறது. ஆறு மாத நீண்ட வரட்சியின் பின்னர் நேற்று கந்தளாய் பிரதேசத்தில் கன மழை பெய்தது.

இதன் போது மழை நீருடன் தரையில் சிறிய மின்களும் விழுந்ததாக பிரதேச மக்கள் தெரிவித்துள்ளனர்.

கந்தளாய் லீலரட்ன விளையாட்டரங்கில் சுமார் 3-4 அங்குல அளவுடைய மீன்கள் விழுந்ததாகத் தெரிவிக்கப்படுகிறது. மழையுடன் தரையில் விழுந்த மீன்கள் குளத்து மீன் வகையினைச் சார்ந்தவை எனக் குறிப்பிடப்படுகிறது.

The Best Annual Report and Accounts Competition of National Schools 2012

சம்மாந்துறை தேசிய பாடசாலை அகில இலங்கை ரீதியாக தெரிவூ செய்யப்பட்ட சிறந்த பாடசாலை அபிவிருத்தி கணக்கரிக்கையில் 2012 இல்  அம்பாறை மாவட்ட முதலாம் இடத்தை  பெற்றுள்ளது கடந்த 27.10.2012 கொழும்பு BMICH இல் நடைபெற்ற இவ் விருது வழங்கும் வழாவில் கௌரவ கல்வி அமைச்சர் சகல மாவட்டத்தில் இருந்தும் செய்யப்பட்ட வெற்றியாளருக்கு கௌரவித்து சான்றுதலும் வழங்ஙூகப்பட்டன சம்மாந்றை தேசிய பாடசாலை சார்பில் கல்லுரி முதல்வர் எஸ். அபூபக்கர் அவர்களும் கணக்கியல் ஆசிரியர் நசீர் அவர்களும் பங்குபற்றினர் aat  பணிப்பாளர்களும் கல்வி அமைச்சின் சயலாளர் எஸ். எம் கோட்டபாய ஜெயரத்ன அவர்களும் கல்ந்து சிறப்பித்த படங்களாகும் 

பிள்ளை நேயம் உள்ளதா?

சம்மாந்துறை முஸ்லிம் மகளிர் வித்தியாலயத்தில் பிள்ளை நேயம் உள்ளதா?

இலங்கை கல்வி அமைச்சின் கீழ் உள்ள பாடசாலைகளை சிலவற்றை பிள்ளை நேயப் பாடசாலைகளாக பிரகடனப்படுத்தி பிள்ளை நேயத்தை இப்பாடசாலைகளில் மேற்கொள்ளும் திட்டத்திற்குகமைவாக,

இந் திட்டத்திற்கு நிதியுதவி வழங்கும் நிறுவனங்களாக யுனிசெப் மற்றும் அவுஸ்ரெலின் எயிட் என்ற இரு நிறுவனங்களும் இதற்காக பல்வேறு வேலைத்திட்டங்களை வழங்கி வருகின்றது என்பதை இங்கு குறிப்பிடுதல் பொருத்தமாகும்.

பிள்ளை நேயப்பாடசாலையின் அடிப்படையிலான ஆறு பரிமாணங்களாக.

1. 01. பிள்ளைகளின் உரிமைகள்
2. 02. பால் நிலை சமத்துவம்
3. 03. கற்றல் பேறுகளின் விருத்தி
4. 04. பிள்ளையின் ஆரோக்கியமும், பாதுகாப்பும்
5. 05. மாணவர்களின் குடும்பப் பிண்ணனி
6. 06. சிறுவர் நேயக் கொள்கைகள்

என்பவையே இவைகளாகும். மேற்கூறிய செயற்பாடுகளின் செறிவு பற்றி நேரடியான ஆய்வினை செய்வதற்காக யுனிசெப் நிறுவன பிரதிநிதிகள் இப்பாடசாலையில் ஆய்வினை  2012.10.25 மேற்கொண்டனர்.

அத்துடன் இப்பாடசாலையை   மென்மேலும் விருத்தி செய்தி எதிர்காலத்தில் சிறப்பான செயற்பாடுகளை நடைமுறைப்படுத்துவதற்கும் இந்த ஆய்வுகள் ஒரு துடுப்பாக அமைக்கூடுமென இப்பிரநிதிகளும் இப்பாடசாலை சமூகமும் ஆருடம் தெரிவித்துள்ளன. 

thaha naleem

களை கட்டியுள்ள சம்மாந்துறை பெருநாள் விற்பனை

சம்மாந்துறை அப்துல் மஜீட் மண்டபத்தில் ஏற்பாடு செய்யப்பட்டள்ள பெருநாள் விற்பனை கூடங்கள் களைகட்டியுள்ளன.

எதிர்வரும் ஹஜ்ஜுப்பெருநாளை முன்னிட்டு சம்மாந்துறை அப்துல் மஜீட் மண்டப வளாகத்தில்  பெருநாள் வர்ததக நிலையங்கள் ஏற்பாடு செய்யப்பட்டுள்ளன. இதில் பெருமளவான மக்கள் தங்களுக்குத் தேவையான பொருட்களைக் கொள்வனவு செய்து வருகின்றனர். 

வீதிப் போக்குவரத்துகளிற்கு இடையூறில்லா வண்ணம் பாதையோர வர்த்தகர்களிற்கு சிறப்பு ஏற்பாடுகள் செய்யப்பட்டுள்ளமை இங்கு குறிப்பிடத்தக்க விடயமாகும். 

மேலும் சம்மாந்துறையிலுள்ள ஆடை விற்பனை நிலையங்கள்  பாதணி  வர்த்தக நிலையங்கள், பலசரக்குக்கடைகள் என்பவற்றிலும் மக்கள் பெருமளவில் பெருநாட் பொருட்கொள்வனவில் ஈடுபட்டுள்ளனர்.

திவிநெகும வேலைத்திட்டம் - பயிர்விதைகள் வினியோகம்

திவிநெகும வேலைத்திட்டத்தின் அடிப்படையில் சமூர்த்தி உதவி பெறும் குடும்பங்களுக்கு பயிர்விதைகள் வழங்கிவைக்கும் நிகழ்வவொன்று இன்று (2012-10-25) சம்மாந்துறையில் இடம்பெற்றது. இந்நிகழ்வில்  சம்மாந்துறை பிரதேச சபைத் தவிசாளர் ஏ.எம்.எம்.நௌசாத் அவர்கள் கலந்து கொண்டு நிகழ்வை ஆரம்பித்ததோடு  திவிநெகும திட்டத்தைப்பற்றி மக்களுக்கு விளக்கமளித்தார். மற்றும் பயிர்விதைகளின் வினியோகத்தினையும் தொடக்கி வைத்தார். பிரதேச வாழ் மக்கள் கலந்து கொண்ட இந்நிகழ்வில் மரநடுகையும் ஏற்பாடுசெய்யப்பட்டிருந்தது.

சம்மாந்துறை தேசிய பாடசாலையில் பல்லூடக நிலையத்திற்கான அடிக்கல் நடப்பட்டது

சம்மாந்துறை முஸ்லிம் மத்திய மகா வித்தியாலயத்தில் இன்று மஹிந்தோதயா தகவல்தொழில்நுட்ப ஆய்வுகூடத்திற்கான அடிக்கல் நடப்பட்டது.

கல்லூரி அதிபர் அபூபக்கர் தலைமையில் நடைபெற்ற இந்நிகழ்வில் நீதியமைச்சர் றவுப் ஹக்கீம் அவர்களும் மாகாண சுகாதார சேவைகள் அமைச்சர் எம்.ஐ.எம்.மன்சூர் அவர்களும் அதிபர் அவர்களும் அடிக்கல் நட்டனர். மேலும் மாணவ மாணவியர்களின் கலைநிகழ்ச்சிகளும் அரங்கேறியதுடன் அதிதிகளுக்கு நினைவுச்சின்னங்களும் வழங்கப்பட்டன.

க.பொ.த சாதாரண தரப்பரீட்சை டிசம்பர் மாதம் 11ஆம் திகதி!

இவ்வாண்டின் க.பொ.த சாதாரண தரப்பரீட்சை எதிர்வரும் டிசம்பர் மாதம் 11ஆம் திகதி முதல் 20ஆம் திகதி வரை நடைபெறுமென கல்வி அமைச்சர் பந்துல குணவர்த்தன தெரிவித்தார்

நேற்று கல்வி அமைச்சில் நடைபெற்ற செய்தியாளர் மாநாட்டின் போதே அமைச்சர் இத்தகவலைத் தெரிவித்தார்

இந்த பரீட்சையை முன்னிட்டு நாடளாவிய ரீதியில் முன்னோடி கருத்தரங்குகளை நடத்தவும் அமைச்சு நடவடிக்கை எடுத்திருப்பதாகவும் கருத்தரங்குகள் நாளை மறுதினம் 19ஆம் திகதி முதல்  25ஆம்திகதி வரை சகல பாடசாலைகளிலும் நடத்தப்படும் எனவும் அதற்கான செயல்முறை விளக்கம் அதிபர்களுக்கு வழங்கப்பட்டிருப்பதாகவும்  அமைச்சர் பந்துல குணவர்த்தன மேலும் தெரிவித்தார் .


இதேவேளை,இம்முறை க.பொ.த சாதாரண தரப்பரீட்சைக்கு 5,37,393 பேர் தோற்றுவதாகவும் இதில் 1லட்சத்து 50,968 பேர் பாடசாலை மட்டத்தில் தோற்றுபவர்கள் என பரீட்சைகள் ஆணையாளர் டபிள்யூ.எம்.என்.ஏ புஷ்பகுமார தெரிவித்தார்.


மூன்று லட்சத்து 20ஆயிரம் பேர் இப்பரீட்சை நடவடிக்கைகளில் ஈடுபடுத்தப்படவுள்ளதாகவும் பரீட்சைகள் ஆணையாளர் மேலும் தெரிவித்தார்.

26ஆம் திகதிய அரச விடுமுறை ரத்து!

எதிர்வரும் அக்டோபர் 26ஆம் திகதிய அரசாங்க வர்த்தக, வங்கி, பொது விடுமுறை ரத்துச்செய்யப்பட்டுள்ளது.

26ஆம் திகதி அரசாங்க ,வர்த்தக, வங்கி, பொது விடுமுறையாக ஏற்கனவே பிரகடனப்படுத்தப்பட்டிருந்த போதிலும் முஸ்லீம்களின் 'ஈதுல் அல்ஹா" ஹஜ்ஜுப்பெருநாள் 27ஆம் திகதி சனிக்கிழமை கொண்டாடப்படும் என கொழும்பு பெரியபள்ளிவாசலில் நடைபெற்ற பிறைக்கமிட்டி கூட்டத்தில்தீர்மானிக்கப்பட்டிருப்பதால் 26ஆம் திகதிய அரச விடுமுறைரத்துச்செய்யப்பட்டுள்ளது.


எனினும்  ஹஜ்ஜுப்பெருநாள் தினமாகிய  27ஆம் திகதி சனிக்கிழமை  அரசாங்க வர்த்தக, வங்கி, பொது விடுமுறையாகபிரகடனப்படுத்தப்பட்டிருப்பதாக பொதுநிர்வாக உள்நாட்டலுவல்கள் அமைச்சு தெரிவிக்கிறது.